"Stacey Samuel?" bulalas ni Raf na nakapameywang sa kaniyang harapan. "My gosh, Cassie!" Pinanlakihan ito ng mga mata.
"Juvy ang pangalan ko at hindi Cassie! Sino ba kasi iyon?" pangungulit niya sa kaibigan.
"Siya lang naman ang nag-iisang anak ng dating sikat na action star sa Tarlac, si Ben Samuel. Kilala siya sa mga palabas sa TV kasama ng idol mong si Robin Padilla. At heto pa, isa rin siyang sikat na swim suit model sa Manila," pagbibigay impormasyon sa kaniya ni Raf.
"E, ano naman ngayon kung anak ng dating sikat na artista at isang model?"
"Loka! Ibig lang sabihin nito na may bago ka na namang karibal kay Cold. Hindi pa nga bumabalik ang alaala niya may bago na namang umaaligid sa kaniya." Inginuso nito si Kyline na nasa tabi ni Cold. "Tignan mo iyong isang higad na mukhang impa
