Nagtungo si Juvy sa bahay ni Rita matapos siyang ipagtabuyan muli ni Cold. Nasasaktan man siya ay patuloy pa rin siyang umaasa na babalik sa dati ang lahat at maaalala siya ni Cold.
Nakapamulsa ang kaniyang mga kamay sa bulsa ng kaniyang pantalon habang papasok sa bahay ni Rita. Nakita niya roon si Dark na nagkakabit ng mga ilaw sa kisame. Natapos na nito ang interior design ng bahay ni Rita. Ang mga gamit ay pinalitan ng bago mula sa appliances at mga kurtina sa lababo.
"Nandito ka na naman? Mukhang may matindi ka na namang problema," sabi ni Dark na nakatingin sa kaniya.
"Dito na lang ang takbuhan ko kapag galit sa akin ang mundo. Natapos mo na rin pala... matutuwa si Cold kapag nakita niya ito." Inilibot ng tingin ni Juvy ang paligid ng bahay. "Matutuwa rin nito si Rita dahil buo na
