"Ano?" Nanlaki ang mga mata ni Raf sa sinabi niya. Halos tumayo pa ito sa naging reaksiyon na tila hindi ito makapaniwala. "Gusto mong bantayan ko si Sir Hatt? Okay ka lang ba talaga?" sunod-sunod na tanong nito sa kaniya.
"Gusto kong malaman kung may alam siya tungkol kay Kyline. Kailangan kong gawin ito para matapos na ang kabaliwan ng babaeng iyon. Ako ang may kasalanan kung bakit siya galit kay Juvy. Kung bakit niya ginawa ang bagay na iyon."
"Sandali lang." Nagtaas ito ng dalawang kamay at muling umupo. Inilapit nito ang silya at tumabi sa kaniya. "Naalala mo na ba ang lahat kaya mo ito sinasabi?"
Malungkot siyang tumango. "Naalala ko na ang lahat, Raf."
Bumuka ang bibig ni Raf dahil sa katotohanan na sinabi niya rito. Hindi ito makapaniwala habang nakatingin ito sa kaniya.
Bumug
