"Juvy!" tili ni Raf nang makita siya nito. Sinalubong niya ang mga kaibigan na bagong dating. May mga bitbit ang mga ito na plastic mga laruan ng kambal at pagkain na rin nila. Mahilig kasi sila sa pizza at ice cream.
Buhat-buhat ni Kristal si Drew na umiiyak dahil sinusumpong ito. Hinahanap nito ang daddy nito at gustong pumunta sa hacienda.
"Kanina pa excited si Raf, Juvy. Gustong-gusto na niyang makita ang kambal. Marami kasi kaming ginagawa sa office kaya ngayon lang kami nakadalaw ulit. Nasa out of town business trip si Sir Hatt at hanggang ngayon wala pa rin," nakangusong reklamo ni Melody.
Ibinaba ng mga ito ang mga laruan at inisa-isa naman niyang tinanggal sa plastic ang mga pagkain na dala ng mga ito. Inilagay niya iyon sa lamesa at inayos.
"Hay naku, masanay na kayo sa boss
