"HINDI mo ba talaga balak na puntahan ngayon si Juvy, bro? Mukhang seryoso naman si Hatt nang sabihin niya na wala silang relasyon ni Juvy. May tiwala naman ako sa kaibigan natin, alam niya ang rules," paliwanag ni Storm sa kaniya.
Nasa tabi niya ang kaibigan habang nakaupo sila sa may damuhan. Nasa labas sila ng mansion at nakaupo sa may garden.
"Lalaki si Hatt, at p'wede siyang lumabag sa rules natin. At isa pa, mas nauna siyang nakilala ni Juvy at naging matalik na kaibigan. Wala akong laban doon kung siya ang piliin ni Juvy at hindi ako," malungkot na sabi ni Cold.
Bumuga siya nang malalim at saka tumingin sa mga bulaklak.
"Hindi kaya mali ang iniisip mo, bro? Ipinaparamdam mo ba talaga kay Juvy na mahal mo siya o nakakulong ka pa rin sa nakaraan ninyo ni Rita?"
Hindi siya nakasa
