"Aray!" angal ni Yolly dahil parang hindi siya tao na kinarga ni Andy na pinaupo sa wheelchair. Pabagsak kasi at hindi naman gano'n kalambot ang upuan ng wheelchair.
"Ang arte mo!"
"Palit tayo kaya?! Para alam mong masakit!" irap niya at kunwari ay hamon niya. Naiinis na rin siya.
"Kasi tatanga-tanga ka! Magpapakamatay na nga sa hindi naman sigurado! Dapat sa ten-wheeler ka nagpabangga, hindi sa kotse ko!" katwiran ni Andy saka itinulak din na walang ingat ang wheelchair.
"Dahan-dahan naman kasi," angal ulit niya. Tiningala niya ang binata at iningusan. Kung hindi lang talaga niya pinaninindigan ang pilay-pilay kunwari na ito ay naglakad na siya. Tss.
"Huwag ka ngang maarte! Ikaw na nga 'tong ginagawan ng pabor, eh!" Lalong nainis naman ang binata.
"Sana kasi hindi ka na lang pumayag
