NASORPRESA si Elias nang biglang ipag-utos ni Trivor na huwag na siyang mag-duty sa academy. Paghandaan na lang daw niya ang misyon niya sa Russia. Nag-report pa rin siya sa academy pero pinagbawalan na siyang pumunta sa researching office. Nalaman na lang niya mula kay Nathan na hindi pa raw lumalabas ng kuwarto nito si Natassa. May sakit daw ang dalaga.
“Kailangan kong puntahan si Natassa,” sabi niya kay Nathan habang kasama niya ito sa iisang lamesa sa may food center.
“Hindi ka puwedeng pumunta roon, magagalit si Daddy,” sabi ni Nathan.
“Bakit? Galit ba sa akin ang daddy mo? Bakit hindi niya ako personal na kausapin para sabihin ang mga desisyon niya?” nagtatakang sabi niya.
“Hindi galit si Dad. Si ate Natassa lang ang inaalala niya.”
Kinabahan siya. Posible kayang alam na ni Triv
