MARAMI nang nakain si Natassa habang nakatambay sa food center. Binigyan pa siya ni Rebecca ng potato fries at fruit salad. Tinamad na siyang bumalik ng opisina. Paniguradong hindi rin siya makapagtrabaho nang maayos. Nang makadama ng pagkainip ay nagtungo siya sa laboratory. Nadatnan niya roon si Alessandro kasama ang mommy nito. Bigla siyang nailang kay Ellie nang maisip na kapatid pala ito ni Elias.
“Hi, Natassa! Kumusta ka na?” nakangiting tanong ni Ellie. Nilapitan pa siya nito at iginiya sa bench malapit sa working table ni Alessandro.
“Okay lang ako, Tita,” nakangiting turan niya. “Ngayon ko lang po ata kayo nakita rito.” Ngali-ngali niyang bawiin ang pagtawag niya rito na ‘tita’. Hindi na siya komportable sa pagkakataong iyon.
“Wala kasi akong makausap sa bahay. Ang nanay ko nam
