“BUKSAN mo ang system riyan sa netbook. May ipinasok akong bagong target area na pag-aaralan natin. I-save mo lahat ng details. Kapag naayos na lahat ng impormasyon, ikaw at sina Derek at Syrel na ang magmo-monitor ng area at magpapasa ng report tungkol doon,” sabi ni Elias kay Natassa.
Nagtataka siya bakit wala pa ring imik ang dalaga at hindi pa nito nabubuksan ang system sa netbook. Hindi pa kasi complete ang connection na ginawa niya sa main monitor patungo sa netbook.
“Nat, paki-open ang system sa netbook para mai-save mo ang mga impormasyong pumapasok,” utos niya.
Nang wala pa ring aksiyong ginagawa ang dalaga ay tumayo na siya at nilapitan ito. Hinaklit niya mula sa mga kamay nito ang netbook saka tiningnan kung ano ang ginagawa nito. Nagulat siya nang naka-open sa netbook ang sl
