Pinilit kong payapain ang aking sarili para sa aking magiging anak at para kay mommy. Hindi ko alam kung papaano sisimulang sabihin kay mommy ang kondisyon ni daddy kaya lang noong magharap kami sa almusal ay hindi ako nakaligtas sa pang-uusisa nito.
"Tumawag na ba si Hugo? Nakausap niya ba ang daddy mo?" tanong ni mommy.
Tumingin ako rito, walang bahid ng luha sa mukha nito na tulad ng nakita ko kaninang madaling-araw.
"Katherine ayos ka lang ba?" untag nito sabay salat sa aking noo.
Hindi ko namalayang napatulala na pala ako sa kawalan.
"Mom?" gagad ko nang tila magising ako.
"Anak, ayos ka lang ba? May masakit ba sa 'yo?" usisa ni mommy.
Nang makita ko ang concern sa mukha nito ay hindi ko na ulit napigilang mapaluha. Paano nito tatanggapin na ang lalaking pinakaiibig ay hindi n
