Naginhawaan ang magkakaibigan nang umayos na kahit paano ang kalagayan ni Ruby. Kalung-kalong ito ni Aliyah dahil nanghihina talaga ang dalaga.
Ang pinoproblema naman nila ngayon ay kung nasaan si Rica.
"Nasa'n na ba kasi ang babaeng 'yon?!" puno ng pag-alalang wika ni Annie.
"Ang mabuti pa hanapin natin siya. Baka kasi naglakad-lakad siya kanina habang tulog tayo tapos ay nawalan siya ng malay kung saan dahil sa labis din nitong gutom at uhaw," suhestyon ni Gilbert.
"Paano si Ruby?" tanong ni Eilyn.
"Ako na ang magbubuhat sa kanya," sagot ni Gilbert.
"Teka aalis tayo rito?" agad na protesta ni Noel. Hindi nga sila pwedeng umalis dahil nandito ang pagkain niya! Bwisit!
"Bakit may hindi ka ba maiwan dito?" makahulugan tanong ni Gilbert sa kaniya.
"Wala naman pero kasi--" Napatingin
