Danica
NAPAPANGITI ako habang pinagmamasdan ang mag-ama ko. Kanina pa buhat ni Dave ang anak namin at ayaw pa ring bitawan hanggang ngayon.
Marahan niya itong isinasayaw habang pinagmamasdan. Nakalarawan ang napakagandang ngiti sa mga labi niya at kumikinang ang kanyang mga mata.
"Tulog na 'yan, Daddy," ani ko sa kanya.
Kasalukuyan na kami ngayong naririto sa isang pribadong silid. Apat na oras na ang nakalilipas simula noong manganak ako. Isang oras naman buhat noong manganak ako, saka nila ipinasok dito sa silid namin si baby.
Kaya tatlong oras na rin niya 'yang pinagmamasdan. Ako naman ay nakahiga dito sa kama. Si Lance ay nakaupo sa silya sa tabi ko.
"Tabi naman kami ni baby, Kuya," turan na rin ni Lance sa kanya.
"Paano kayo magtatabi? Hindi naman kayo kasya dyan sa kama,"
