NAPATIGIL si Davin sa ginagawa nang makita kung sino ang bumaba sa kotse na bagong dating. Natawa siya ng mahina at napailing nang makita si Lincoln na nakasaklay. Mukhang hindi pa magaling ang sugat nito na siya ang gumawa.
“Mukhang dito yata magpapagaling ang anak ng Boss natin.” Sabi ni Anton na nasa tabi niya. “Narinig kong binaril siya sa mismong bahay niya at ang pinapapatay niya sa akin ang bumaril sa kaniya.”
Natawa lang si Davin. “Yeah.”
Kumunot ang nuo ni Anton. “Anong nangyayari sa ‘yo? Mukhang masaya ka.”
Ngumiti si Davin. “I had a date with my girlfriend yesterday and seeing Lincoln today walking his crutch makes me happy.”
“What do you mean?” Nagtatakang tanong ni Anton.
Tinapik ni Davin ang balikat ni Anton. “You will know soon.”
