Pag-alis ng mga imbestigador ay nagpaalam na rin si Gretta sa don, marami pa kasi siyang gagawing trabaho. Ayaw pa sana niyang iwan ang boss lalo at kita ang pagkabahala sa kanyang mukha. Inisip na lamang na safe naman ito dahil naroroon sa labas ang dalawa nitong bodyguard ba magbabantay.
"Ahemmm!" untag niya muli sa boss. "Mauuna na po ako, may ilang files pa kasi akong aasikasuhin sa office ko," turan ni Gretta.
"Yeah, sure," agad namang sagot ni Don Julio na blangko pa rin ang mukha dahilan upang hindi na muli mapigilan ni Gretta ang magtanong.
"Are you really sure na ayos ka lang?" hirit pang tanong ni Gretta.
Batid ng don na nararamdaman ng kanyang sekretarya na may bumabagabag sa kanya kaya ito panay ang tanong sa kanya kaya lang ay hindi pa siya handang buksan muli ang kabanata
