Kunot ang noo habang binabasa ang text sa kanyang cell phone, galing iyon sa unknown number kaya hindi niya alam kung baka nagti-trip lang ang nagpadala noon sa kanya o na-wrong send lamang.
"O, bakit ganyan ang mukha mo?" maang na turan ng kaibigang si Dinky pagkalabas nito ng banyo matapos mag-imis.
"Wala, may nag-text kasi," aniya na hindi maitago ang pagkabahala sa mukha dahil sa laman ng text na kanyang binabanggit.
"Bakit ganyan ang mukha mo? Ano bang laman ng text?" usisa pa niya rito saka mabilis na lumapit sa kanya. "Patingin nga," agaw ni Dinky sa cell phone sabay basa nito ng malakas sa text.
"Ang ganda mo," anito. "O, maganda ka daw, bakz," bulalas nito na natutuwa pa sa papuri sa text, hanggang sa ituloy nito ang pagbabasa. "Kaya lang, sayang ang gandang iyan dahil malapit
