Naging maayos ang lahat para sa nalalapit na pag-iisang dibdib nina Liam at Gail, wala na silang alalahanin sa gown dahil saktongg-sakto ang sukat at pagkakayari nito. Ang simbahan ay ayos na rin, ang kanilang catering at maging ng function room ng isang sikat na hotel.
Tatlong araw na lamang ay magiging ganap na Herbosa na si Gail, halos hindi na niya mahintay pa ang araw na iyon. Habang nagpapalipas ng oras sa harden ay napagkatuwaan niyang magdilig ng halaman para naman kahit papaano ay gagawin siya. Mamayang hapon pa kasi niya susunduin ang asawa, ayaw man sana ni Liam pero nagpupumilit siya sa pakiusap na rin ng lolo nito lalo at hanggang ngayon ay wala pa rin silang ideya kung sino ang lalaking nanloob sa kanila noong isang araw.
Masaya siyang nagdidilig nang magawi ang tingin sa
