Panay ang tudyo nina Drew at Dinky sa kanila lalo na sa biglaang pagsulpot ni Glydel. Maging si Liam man ay nagulat rin sa pagdating ng babae, hindi niya aakalain na sa loob ng maraming taon ay babalik pa ito.
Bata pa sila noon, mga dose anyos pero sa pagkakataong iyon ay nagsisimula na siyang magkaroon ng crush at dito niya naramdaman ang unang pagkakataong magka-crush siya.
"O, Liam, nasaan na si Glydel?" tinig sa hindi kalayuan, ang kanyang lolo na noon lamang tila nahalatang wala na roon ang kanilang panauhin.
"Umalis na, 'Lo," tipid na tugon dito. Awtomatikong napakunot-noo ang kanyang lolo sa sinabi, marahil ay nagtataka kung bakit hindi man lang nito nagawang magpaalam sa kanila.
"Bueno, yaman din lang at nandito na kayo at wala na rin namang iba rito ay pag-usapan na natin ang
