Doble ang pag-iingat ng lahat sa loob ng bahay ng mga Herbosa matapos ang tangkang pagdukot kay Minda. Mas inalerto ni Don Julio ang mga bodyguards nito at nag-hire na rin ng security guards upang mabantayan ang paligid ng bahay nila.
Hindi na rin sila masyadong naglalabas maliban kay Don Julio na kailangan nitong magtungo sa kanyang opisina, lalo at wala naman ang apo nitong si Liam.
Tila naman na-trauma si Aling Minda sa nangyari sa kanya at halos ayaw na nitong lumabas sa malaking bahay.
"Inay, alangan na dito na lang kayo sa loob maghapon at magkulong. Puwede naman kayong lumabas kahit man lang sa pool area, tingnan niyo si Tita Guada," nguso niya sa kumare ng ina na nag-e-enjoy sa paglalangoy nito sa swimming pool kasama ang ate niyang si Demi na noon ay hindi pa nakakabalik sa Ja
