Sa kabila ng pangit na balitang natanggap nila Liam at Gail, kahit papaano ay napanatag rin sila sa kaalamang hindi nagtagumpay ang sinumang nagbalak na tangayin si Aling Minda. Puyat man sa nagdaang gabi gawa ng jetlag at ilang maiinit na sandali sa piling ng isa't isa ay excited pa rin silang bumangon upang maglibot sa lugar.
Parang hindi nasayad sa lupa ang paa ni Gail sa mga sandaling iyon, para siyang nasa alapaap at hindi matanggal ang mga ngiti sa kanyang mga labi. Lalo pa at mas lalo niyang nararamdaman ang paglalambing ni Liam sa kanya. Naninibago nga siya dahil hindi naman ganoon si Liam noong nasa Pinas pa sila, marahil ay nahihiya lang din na magpakita ito ng sweetness sa kanya lalo kapag nasa paligid ang kanyang ina.
"Hon, let's go, maiiwan tayo kung ganyan ka kabagal magbih
