Nakailang kopita na siya ng alak, at nararamdaman na niya ang hilo. Ilang beses na rin siyang sinabihan ng bartender na tumigil na siya sa pag-inom, pero sige pa rin siya. Kung ano-ano na nga ang naikwento niya sa bartender tungkol sa kanya at kay Gavin. Sa tingin naman niya, naniniwala itong girlfriend siya ni Gavin. At kung hindi man, marunong itong sumakay sa mga kwento niya.
"Hi, are you waiting for someone?" tanong ng lalaking lumapit sa kanya. Naupo ito sa katabing upuan niya.
Sinulyapan niya ang lalaki. May itsura ito at mukhang bata, hindi nalalayo marahil sa edad niya.
"I'm alone," sagot niya at inubos ang laman ng baso niya. Agad namang sumenyas ang lalaki sa bartender na bigyan siya muli ng baso. Sumunod naman ang bartender.
"My treat," sabi pa nito na may kayabangan. As if
