"Huwag ka ngang parang tanga dyan, Ellise!" saway niya sa sarili.
Napansin niya si Gavin na tumatakbo palabas ng pintuan ng restaurant. Sinundan niya ito ng tingin. Tumatakbo ito, tila nagmamadali.
"Anong nangyari?" tanong niya sa sarili. Nang mawala sa paningin niya si Gavin, lumingon siya sa pinanggalingan nito. Natulos siya sa kinatatayuan nang makita si Sabrina sa may pinto ng restaurant. Nakatingin ito sa kanya.
Nais man niyang umiwas, hindi na puwede, dahil baka kanina pa siya nito nakita. Lumapit ito sa kinatatayuan niya. Humugot siya ng malalim na paghinga. Ito na nga siguro ang muli nilang paghaharap ni Sabrina.
Oo, masasabi niyang maganda ito at kaakit-akit. Walang lalaking hindi maaakit dito. Pero hindi siya mai-intimidate sa isang tulad ni Sabrina na nagawang lokohin si
