Kanina pa siya galaw nang galaw sa higaan. Hindi siya dalawin ng antok. Ang dami kasing gumugulo sa isip niya. Ang dami niyang iniisip na hindi naman niya mabigyan ng sagot.
"Ahhhh..." hiyaw niya at bumalikwas ng bangon mula sa kama. Sinabunutan niya ang sariling buhok.
"Ano bang gagawin ko?" inis na tanong niya. Tumayo siya at naglakad papunta sa veranda. Binuksan niya ang pinto at lumabas. Tumingala siya sa langit. Maraming bituin doon na nagbibigay ng liwanag sa buong kalangitan.
Matagal siyang nakatitig doon.
"Ano bang dapat kong gawin?" bulong niya habang nakatingin sa langit.
Naguguluhan siya sa gusto ni Gavin. Ang gusto nito, ikasal sila sa paraang gusto niya. Wala itong pakialam kung engrande o simple lang, basta daw iyon ang gusto niya. Sa bagay na iyon may choices siya, p
