Pagdating sa bahay, padabog siyang bumaba ng sasakyan at nagtuloy pagpasok sa loob ng bahay.
“Ellise,” tawag sa kanya ni Gavin.
Pero nagtuloy siya sa pagpasok sa bahay at umakyat sa mataas na hagdan.
Magmamatigas siya hangga’t hindi umaamin sa damdamin niya si Gavin. Ipapakita niya rito kung gaano katigas ang ulo niya kung hindi ito aamin na may damdamin din ito sa kanya. Hindi siya tanga o manhid para hindi maramdaman na kahit paano, may damdamin sa kanya si Gavin.
Marahil ang mga kaibigan nito ang tingin kay Gavin ay walang puso, dahil ang mahalaga rito ay ang negosyo nito, kung paano ito magiging katulad ng ama nito pagdating sa negosyo. Pero para sa kanya, iba. At kung mali man ang iniisip niya, handa siyang masaktan. Handa niyang tanggapin ang katotohanan.
“Ellise!” tawag ni
