Pagkagising niya kinabukasan, masakit ang katawan at nanunuyo ang lalamunan niya. Isinubsob niya ang mukha sa unan.
"Hindi na 'ko iinom," bulong niya habang nakasubsob sa unan.
Naalala niya ang mga nangyari kagabi.
"Gavin," usal niya at napabalikwas ng upo mula sa kama.
"Ellise, anong ginawa mo kagabi?" tanong niya sa sarili, at natampal ang noo sa pag-alala ng mga sinabi niya kay Gavin.
"s**t!" mura niya at napasabunot sa sariling buhok. "Nakakahiya ka, Ellise! Ano na lang ang sasabihin ni Gavin?" bulong niya sa sarili na parang baliw.
Mabigat ang katawan niyang bumangon mula sa kama. Mabibigat din ang hakbang niya palapit sa pinto ng banyo. Tila minamartilyo ang ulo niya at ang lalamunan naman niya ay tuyong-tuyo.
Mabilis siyang naligo para mawala ang hangover. Nagbabad siya sa
