NAGLILIGPIT ng pinagkainan niya si Rhomz nang biglang pumasok si Nathan. Hindi pa ito nagbibihis. Nakabandera pa rin ang katawan nito.
“Hey! What are you doing?” tanong nito.
“Kumain ako nang kaunti,” sagot niya.
“Wait, where did you get that shirt?” tukoy nito sa suot niyang damit.
“Nakita ko sa closet ng kuwarto. Is it yours?” aniya.
“Nope. I think kay Kuya Erman ‘yan. Sa kanya itong yate, eh.”
“Talaga? Na-miss ko bigla si Erman. Bihira ko na siya nakikita sa academy,” sabi niya.
“Close ba kayo?” usisa nito.
“Hindi naman masyado. Mas una kong nakapalagayan nang loob ang asawa niyang si Rena. Pero okay sa akin si Erman.”
“Naroon siya kanina sa party. Hindi mo ba napansin? Nakita ko siya pero busy.” Tinuyo niya ng bimpo ang kanyang kamay saka niya hinarap si Nathan na nakasandig s
