PASADO alas-tres na ng madaling araw pero hindi pa rin makatulog si Rhomz. Nakahiga lang siya sa kama at pabiling-biling. Hindi pa rin maalis sa isip niya si Nathan. Kung kailan nakakaidlip na siya ay bigla siyang nagising nang maramdaman niya na tila may bumubulong sa kanya.
Bumalikwas siya nang upo. Nababalisa siya. Pakiramdam niya’y inaapuyan ang kanyang katawan. Bumangon siya at nagtungo sa munting kusina. Kumuha siya ng malamig na tubig sa marahang nilagok. Nang mapawi ang init na nararamdaman niya ay lumapit siya sa malaking salamin at sinuklay ang magulo niyang buhok.
Habang nakatitig siya sa kanyang sarili sa salamin ay biglang may imahe ng lalaki na lumitaw sa likuran niya.
“Hump!” Kumislot siya pero kaagad din siyang naparalisa.
Nagsi-sink in sa utak niya ang imahe ni Nathan,
