Sinipat ko ang sarili ko sa full-length mirror ko dito sa kuwarto. Hindi ko mapigilang mapangiti. Ikalimang araw ko nang pumapasok, pero nakasanayan ko nang pagmasdan ang sarili ko sa salamin bago pumasok. Akala ko kasi hindi na ako uli makakapagsuot ng uniform na pang-Nurse.
Inayos ko pang mabuti ang pagkaka-tuck-in ng blouse ko, at sinigurado kong pantay ang pagkaka-tuck-in sa paldang katerno nito. Binistahan ko rin ang puting stockings na suot ko, para siguraduhing walang dumi iyon. O kung meron man, ay maliit lang at hindi gaanong halata.
May uniporme din naman ako na pantalon ang katerno ng blouse na pwede kong ipang-salitan sa suot ko ngayon, pero hindi pa natapos kaya puro palda lang muna ang nasusuot ko.
Ilang ikot pa, at maya-maya ay dinampot ko na ang bag ko, saka yung thermal
