"Ubod ng walanghiya! Sagad hanggang buto! Sinasabi na nga ba, iyung mga ganung karakas, hindi gagawa ng maganda!" namumula sa galit na sabi ni Peachy.
Nakasunod ang mga mata namin ni Myles sa kanya habang pinagmamasdan namin siya sa pagmamartsa niya nang pabalik-balik sa harap namin. Naka-upo kaming dalawa ni Myles sa sofa na nasa harap ng ICU room ni Nanay.
"Parang hindi naman ganyan iyung mga sinasabi mo dati nung nanliligaw pa lang si Randell kay Xyrene," mahinahong sabi ni Myles sa kanya, habang hinahagod naman niya ang likod ko.
Magdamag at maghapon na yata akong umiiyak ngayong araw na ito. Pihadong magang-maga na ang mga mata ko. Ang pinaka-frustration ko ay ang pagpatol ko kay Randell, at pigilan ang nararamdaman ko para kay Yoseph nang dahil sa kanya, dahil buong akala ko ay t
