Sabado. Tuwing araw ng Sabado, may get-together ang pamilya namin, kasama ang tatlong pamilya ng tatlong matatalik na kaibigan ni Daddy. Kaya kaming mga anak ay super close sa isa’t isa.
“Brother!”
Nakita kong kinawayan ako ni Kuya Zyrus. Nandoon kasi silang lahat sa gazebo, at mag-isa lang ako dito sa balcony, kung saan natatanaw ko sila doon. Gumanti ako ng kaway.
“Tara dito! Isang shot lang!” malakas na sabi nito, sabay pinalo siya ng Ate Ysa ko.
Natawa ako. Una, kanina pa rin ako pasimpleng umiinom dito sa balcony. Nagtatago kasi ako kay Mommy, pihadong pagbabawalan na naman ako nun. Pangalawang dahilan kung bakit ako natawa, ay dahil sa pagpalo ni Ate Ysa kay Kuya Zyrus, na asawa na niya.
Hanga ako sa kanilang dalawa, kasi nalampasan nila ang pagsubok na dumating sa kanila,
