NAGING irregular ang period ni Angelica nitong nakaraang buwan kaya nababahala siya. May kakaiba siyang nararamdaman sa kaniyang katawan after her period. Kapa siya nang kapa sa kaniyang dibdib dahil feeling niya ay may bukol. Mukhang kailangan na niyang magpatingin sa doktor.
Nagsasabon na siya ng katawan nang bigla siyang matigilan. Hindi siya mapakali. Pakiramdam niya’y may nakatingin sa kaniya. Lumingon siya sa pinto. Hindi niya iyon nai-lock at isinara lang ang glass door sa shower room.
“Wallace?” bigkas niya. Naisip niya baka binubusuhan na siya ng kaniyang asawa. Pilyo pa naman iyon.
Hindi siya nakatiis at lumabas ng shower room. Sumilip siya sa labas ng banyo. Wala namang tao sa kaniyang kuwarto. Baka nagha-hallucinate na siya dahil sa dami ng kaso ng pagpatay na hinawakan niya
