Hanggang sa makaupo na kami sa mga silya na nakapalibot sa mesa kung saan maraming pagkain na nasa pool side ay tahimik pa rin ako. Hawak naman ni Havoc ang kamay ko simula kanina, hanggang sa makaupo na kami. Hanggang ngayon nga ay hindi pa rin niya binibitawan pero tahimik din siya.
“So, shall we start eating?” pagbasag ni Donya Guada ng katahimikan.
Katabi ko siya sa kaliwang banda ko, sa kanang bahagi ko naman ay nakaupo si Havoc. Sa harap namin ay nakaupo si Tito Ric, katabi ang asawa niya na si Mabel, tapos ay ang Mama ni Havoc na si Maya.
Kalinya naman ng puwesto namin si Tita May, katabi siya ng Havoc, tapos katabi naman niya ang anak niyang si Mayca at sa dulo si Tito Juancho.
“I think we should, kanina pa po talaga kami gutom, Mama,” masayang sagot naman ni Tito Ric.
“Yeah,
