Nagising ako kinabukasan na medyo magaan na ang pakiramdam ko. Parang nanumbalik na rin ang lakas ko na siyang ikinatuwa ko naman lalo na at dadalo ako sa birthday party ni Primo mamaya, hindi para makihalubilo o makikain, kung hindi para magbaka-sakaling magkakausap na kami ni Havoc.
Buong araw akong nagpahinga sa araw na iyon. Alam ko kasi na kakailanganin ko ng maraming lakas, hindi lang pisikal na lakas, kung hindi pati na rin lakas ng loob para makausap si Havoc at mapakawalan na talaga siya.
Hindi ko siya pakakawalan dahil sumusuko na ako. Kagaya ng sinabi ko ay wala naman akong dapat isuko kasi hindi naman siya sa akin. Pakakawalan ko siya para pareho kaming magkaroon ng espasyo para makapag-isip kung ano ba talaga ang mga gusto namin sa buhay.
Para na rin pareho kaming makapag-f
