"Anong nangyari sa kaibigan ko? Tristann, anong nangyari kay Vien?" nagmamadali at halos hindi magkandaugagang tanong ni Joyce nang halos takbo-lakad ang ginawa nito pagkarating sa hospital.
Lahat sila'y nasa labas ng emergency room, luhaan at pare-parehong nagdarasal na sana ay makaligtas si Vien.
Tinawag ni Tristann ang aksidenteng nangyari sa asawa kaya nagmamadaling pumunta ang mga kaibigan ni Vien. Nauna lang dumating si Sheryll pero hindi rin nagtagal ay heto nga't dumating ang tarantang-taranta sa labis na pag-aalala si Joyce.
Agaran itong dinaluhan ni Sheryll. "Joyce."
"She's a strong woman, malalampasan niya ito, okay? Magtiwala lang tayo. Malalampasan ni Vien ito. Kaya niya 'to. Lalaban siya. Gagaling siya," motivation naman ni Darren sa kanila.
Kahit ito man tulad nilang la
