TANGHALI na nang halos maalimpungatan si Candy. Wala na si Mhorric at nakapasok na sa trabaho nito. Bumangon na siya mula sa pagkakahiga at nag-inat ng kaniyang mga kamay. Kung bakit para bang tamad na tamad siya sa bawat pagkilos niya.
Nang makababa siya sa kama ay kinuha niya ang kaniyang cellphone na nasa may bedside table. Walang iniwan kahit text message sa kaniya ang nobyo. Napabuntong-hininga siya. Ibinaba niyang muli ang cellphone at dumiretso na sa banyo para makapaghilamos.
NAKAILANG tawag na yata si Mhorric sa cellphone number ni Candy ngunit hindi nito sinasagot. Nahilot niya ang kaniyang sentido nang ibaba na niya ang kaniyang cellphone.
Napabuga siya ng hangin. Pasado alas tres na ng hapon. At ano naman kaya ang ginagawa nito?
O baka naman sinasadya nitong hindi sag
