“HINDI ba masarap ang luto ko?” kay tamis pa ng ngiti sa labi ni Ann Dae nang itanong iyon kay Mhorric. “Mhorric,” untag nito sa kaniya.
Napapakurap na binalingan niya ito. “What?”
“Kung hindi ka ba nasasarapan sa niluto ko?” muli ay ulit nitong tanong sa kaniya. Kulang na lang ay mag-pout ang labi.
Napasulyap tuloy si Mhorric sa pagkain niya sa plato na hindi pa niya napapangalahatian.
“It’s good,” aniya rito. Kahit na ang totoo ay may hinahanap pa rin siyang lasa na hindi naman kayang higitan ng luto nito. Nagpatuloy na siya sa pagkain at hindi na ito pinansin pa.
Wala naman talaga sana siyang balak na patuluyin ito sa bahay niya. Ito lang ang mapilit. Ang dahilan nito? For old time sake raw. Kung talaga raw na naka-move on na siya sa sinapit ng relasyon nila dati ay patuluyin niya
