“BAKIT parang napapadalas ka rito sa Leisure Club?” may kunot sa noong tanong ni Blair kay Mhorric na naupo sa katapat niyang upuan, sa ukupado niyang lamesa, sa Bay View Restaurant.
“Nag-di-dinner,” tipid niyang sagot sa kaibigan. Katatapos lang din niyang kumain ng hapunan.
Kumunot ang noo nito. “Bakit? Akala ko ba, luto lang ni Candy ang gusto mong kainin? Umuwi ba siya sa kanila kaya mag-isa ka lang dito?”
Sana nga, ganoon na lang ang nangyari. Na umuwi na lang si Candy sa Bulacan para sigurado siya na safe lang ito. Pero hindi…
“I need an update. Now,” ani Mhorric sa h-in-ired na private investigator na tinawagan niya sa cellphone.
“Sir. Negative pa rin po. Hindi pa rin po umuuwi si Ma’am Candy sa bahay nila rito sa Bulacan. Ilang araw na rin akong nagmamatyag dito sa kanila para
