“GUSTO ko ng umuwi.”
“Candy, wala pang saktong isang linggo. Saktuhin na natin. Hmmm?” matamis pang ngumiti si Maryey kay Candy. Kinuha ni Maryey ang cellphone nito, na nakapatong sa coffee table, nang mawala na sa kabilang linya si Blair.
“Pero si Mhorric kasi—”
“Sshh. Deserve rin naman niyang ma-miss ka paminsan-minsan. Alam ko, dahil sa nangyari sa inyo, mas natuto siya. Lesson lang din ito sa iyo at sa kaniya,” ani Maryey Delavin. Asawa ito ni Sergio Delavin na pawang co-member ni Mhorric sa UHB Leisure Club.
“Nag-aalala lang ako sa kaniya. Baka sa sobrang stress at lungkot niya, magkasakit siya,” aniya rito.
“Hindi mangyayari ‘yon. Naroon naman si Blair para damayan ang kaibigan niya. At ikaw, don’t stress yourself too much. Lalo na ngayon. Two days from now, magkikita na naman
