BUHAT sa living room, kung saan nakaupo siya sa isang single sofa ay nakatuon ang tingin ni Mhorric sa kinaroroonan ng main door ng kaniyang condo unit. Umaasa pa rin na bubukas iyon at makikita mula roon ang kaniyang nobya. Handa naman siya kung ano ang isumbat nito sa kaniya. Tatanggapin niya at hindi makikipagtalo rito. Tanggap naman niya ang pagkakamali niya.
Bumuntong-hininga siya.
Hindi ba siya nami-miss man lang ni Candy? Tuluyan na ba itong naging bato agad sa kaniya nang ganoon lang kabilis?
Eh, ikaw nga, Mhorric, in-ignore mo siya ng ganoon lang din kabilis. Do you think, hindi rin ‘yon kayang gawin sa iyo ni Candy? Remember, she can live without you, paninisi na naman ng isang bahagi ng kaniyang isipan sa kaniya.
Bahagya siyang napaiktad nang biglang tumunog ang kaniyang cel
