SAKTONG seven-thirty nang dumating sina Blair at Mhorric sa Club House. Hinayon agad nila ang papunta sa likod na bahagi ng Club House kung saan naghihintay ang iba pa.
Unti-unting bumagal ang paglalakad ni Mhorric nang makita sa may papuntang exit ang malaking customize na mga lobo. Naka-form iyon into a big letters. At kung babasahin mo, ang nakasulot roon ay…
Love, basa niya sa kaniyang isipan.
Ipinaalala na naman niyon sa kaniya si Candy. Iyon ang endearment nila sa isa’t isa. Huminga siya nang malalim. Ramdam niya ang unti-unting paninikip ng kaniyang dibdib. At bago pa mamuo ang luha sa kaniyang mga mata ay naramdaman na lamang niya ang pag-akbay ni Blair sa balikat niya at igiya na siya palabas ng Club House. Palayo sa display na iyon.
“Natulala ka na roon,” nakangisi pang wika
