“LOVE…”
Antok pa ang pakiramdam ni Candy. Pero pinilit niyang imulat ang mga mata dahil dinig niya ang panggigising sa kaniya ni Mhorric nang umagang iyon.
“Hmmm?” aniya bago muling ipinikit ang mga mata.
“May meeting kami ngayon sa Club House. At kailangan ko ng pumunta roon ngayon. Nakahanda na rin sa dining ang breakfast mo,” masuyo nitong wika sa kaniya.
Tinanghali ba siya ng gising? Ikinundisyon muna niya ang sarili bago muling iminulat ang mga mata. Ang guwapong mukha ng kaniyang nobyo ang nakita niya. Fresh na fresh ito dahil bagong ligo.
“Good morning, love,” sa halip ay wika niya. Nag-unat siya ng mga kamay at humikab. “Ano bang oras na?”
“Eight na, love. Hindi na kita ginising kanina at ang sarap pa ng tulog mo. Baka maudlot ang paglaki ni baby kapag ginising agad kita. I t
