OUT of control na rin si Candy nang mga sandaling iyon. Tipong kung gugustuhin ni Mhorric na makuha siya nang mga sandaling iyon ay wala siyang kapalag-palag.
Daig pa ni Mhorric ang uhaw sa halik niya dahil mukhang wala itong balak na basta tapusin ang mainit na sandaling iyon sa pagitan nila. Kahit si Candy, hindi maikakaila ang matagal na pangungulila sa halik nitong iyon.
Unti-unting iminulat ni Candy ang kaniyang mga mata nang pakawalan na ni Mhorric ang kaniyang mga labi. Dahil madilim, hindi naman niya maaninag ang mukha nito. Basta ang alam lang niya ay nasa tabi niya ito nang mga sandaling iyon.
“B-bakit ka tumigil?” hindi niya napigilang itanong habang bahagyang habol ang kaniyang paghinga. Napalunok si Candy nang sunod niyang maramdaman ay ang pagyakap ni Mhorric sa kaniya hab
