AKMANG kakapa si Mhorric sa tabi niya, kung naroon ba si Candy, nang iba ang agad masayaran ng kaniyang isang kamay. Malambot iyon. Ngunit hindi iyon si Candy. Napilitan siyang magmulat ng mga mata.
Sa isip ay napapalatak pa siya nang makita ang tatlong unan na magkakapatong sa gitna ng kama. Mukhang naglagay ng boundary sa pagitan nila si Candy nang makatulog siya kanina.
Tuluyan na siyang naupo mula sa pagkakahiga at sinilip ang kabilang panig ng kama. Walang bakas doon ni Candy. Maayos din ang parte na iyon na animo hindi natulugan. Kumunot tuloy ang kaniyang noo. Pero ang alam niya ay nakatulog din ito kanina. Sunod na dumako ang kaniyang tingin sa kaniyang alarm clock. Wala pang hating-gabi. Mag-a-alas diyes pa lamang ng gabi.
Medyo napahaba-haba rin ang tulog niya. Minabuti na mun
