NANG makarating sina Candy at Mhorric sa Pagbilao City ay sa isang restaurant muna sila dumiretso. Ginutom daw kasi ito sa ilang oras na pagmamaneho. Hindi rin naman kasi sila nag-stop-over kanina. Nakatulog pa siya habang nasa biyahe.
Ngayon, hanging Pagbilao na ang kaniyang nilalanghap. Ibig lang niyong sabihin ay bago na rin ang paligid na gagalawan niya. Lugar kung saan alam niya na kailangan niyang makibagay para siya ay makasabay.
Si Mhorric ang hinayaan ni Candy na um-order ng pagkain para sa kaniya. Tutal naman ay ito ang nakakaalam kung ano ang masarap na pagkain sa restaurant na kanilang kinaroroonan na anito ay madalas din nitong kainan.
“Sa bahay ka muna ikaw mag-stay,” ani Mhorric nang muling ituon ang tingin sa kaniya.
Saan pa ba siya mag-stay? Wala namang iba. Pero lingi
