"Aw!"
Hinawakan ni Lyca ang kanyang ilong. Nabunggo kasi siya sa matigas na likod ni Prinsipe Johannes at iyong tungki ang napuruhan. Bigla kasi itong huminto sa paglalakad. Pinalandas niya ang daliri doon. Tiyak na namumula na ang parte. Napaurong siya. Sinalubong siya ng nanlilisik na mga mata ng prinsipe.
"Ano bang sinabi ko sayo? Di ba sabi ko, doon ka lang?" Ang sabi nito sa halos pabulong ng boses habang tinuturo ang daan pabalik. Palinga-linga ito sa kanyang magkabilang tabi dahil baka makita sila ng hinahabol nila.
"Your Majesty, I can't just stay there and do nothing." Kinuyom niya ang kanyang mga palad at bumaba ang kanyang tingin.
The arrow was clearly intended for her. Sa katunayan, wala siyang maisip kung anong posibleng maging dahilan ng pagpana sa kanya. Marami siyang
