Sumapit ang araw ng pangalawang paligsahan ng Royales. Maingay ang field kung saan ipagdadaos ang kompetisyon sa pangangabayo. Bukod sa pagputok mula sa maaliwalas na kalangitan ay marami ring tao sa paligid.
Nakaayos at magarbo ang lugar. May upuan sa magkabilang parte at may nakapaikot na banderitas iyon sa magkabilang dulo. Pailan-ilan pa lamang ang nakaupo roon dahil ang iba ay naglilibot pa sa tabihan ng field. May iba't-iba kasing stalls ng pagkain roon na pwedeng pagpilian. Wari bang nagmistulang pyesta ang kompetisyon na iyon ng Royales.
May dalawang benches na magkatapat. Doon nakaupo ang mga prinsipe at ang kanilang mga Kapares na pawang mga nakasuot na ng kanya-kanyang attire. Ang kani-kanilang mga kabayo ay matatagpuan sa ilalim at dadaan ka muna sa pahilis na daan pababa par
