ARGUS POV.
NANGGALING ako sa mansion ng mga Del Fierro nang biglang may humarang sa mismong main gate. Isang mamahaling sasakyan ang nakaparada roon… isang modelong ngayon ko lamang nakita. Wala sana akong balak bumaba, ngunit mariing tumanggi ang sasakyan na umalis sa dadaanan ko.
Napilitan akong bumaba upang alamin kung sino ang mga ‘yon. Agad namang naglitawan ang aking mga bodyguard, handang umaksyon anumang oras. Sa halip na lumapit pa, inutusan ko na lamang sila na kausapin ang driver at sabihing tumabi dahil lalabas ako.
Ngunit ilang sandali pa’y bumalik ang isa sa kanila, bakas sa mukha ang pag-aalinlangan.
Ayaw daw makinig ng mga sakay ng sasakyan. Ang gusto raw nila… ako mismo ang makipag-usap.
Ayaw kong lumapit sa sasakyang iyon. Ngunit sa tindi ng inis na naramdaman ko, bi
