SABADO at Linggo ay inilaan nila Rue at Cady ang panahon sa pamasyal sa Vigan kasama si Lola Marcela. Nagrereklamo kasi ang matanda na nalulungkot ito at gustong makasama ang apo. Nag-stay sila sa isang beach resort.
Alas-siyete ng umaga ay naligo na si Cady sa dagat. Sumunod naman sa kanya si Lola Marcela suot ang swimsuit nito na kulay itim. Kahit may edad na’y may alindog pa rin ito. Sinamahan siya nitong umupo sa buhangin sa pampang ng dagat. Nag-iipon siya ng buhangin para itakip sa mga paa niyang bahagyang nakabaon. Ternong itim na underwear lamang ang suot niya at nakalugay ang mahaba niyang buhok. Ibinaon din ng matanda ang mga paa nito sa buhangin, habang nakasalampak ito ng upo sa gawing kaliwa niya.
“Bakit hindi mo kasama si Rue, hija? Palagi siyang nakahiwalay sa atin,” sabi
