PAGBUKAS ni Cady sa pinto ay nabungaran ang daddy niya. Hindi kaagad nakaimik ang ginoo dahil una nitong pinansin ang hitsura niya lalong-lalo na ang kanyang blouse. Nagtatakang tiningnan din niya ang damit niya. Saka lamang niya napansin na baliktad niya iyong naisuot. Nasa labas ang dapat ay nasa loob. Natataranta siya.
“Mukhang naabala kita kung ano man ang pinagkakaabalahan mo,” kaswal na sabi ng Daddy niya.
“Uh, no, Dad, it’s okay. N-nagbibihis kasi ako nang kumatok ka,” alibi niya. Idinadalangin niya na huwag munang magpakita si Rue.
Pero hindi nadinig ang panalangin niya dahil sumulpot na si Rue at binati pa ang daddy niya.
“I think we should talk later after office hour, hija. Mukhang nakaistorbo ako sa inyo ni Rue,” anang daddy niya.
“Okay lang, Dad, tapos na kami ni Cady. Ac
