Adelina’s Point of View
“Habulin n’yo siya, bilis!” Umalingawngaw ang sigaw ng isang lalaki ‘di kalayuan sa akin habang pilit nila akong hinahabol. Bakas ang gigil at galit sa boses nito dahil sa naalintanang transaksyon. “Huwag n’yong hayaang makatakas!”
Napangisi na lang ako saka tumalon sa kalapit na building para tuluyang makalayo sa kanila, pero pinaulanan nila ako ng bala na walang kahirap-hirap ko namang naiwasan. Tumakbo ako sa madilim na parte ng gusali para tuluyang maglaho sa mga mata nila. Nakasuot kasi ako ng itim na body suit para hindi ako madaling makita sa dilim.
Pero mukhang wala talaga silang plano na patakasin ako. May mga humahabol sa aking naka-motor at kotse, at mukhang may plano pa silang palibutan ako, kaya inihanda ko na ang dalawang kalibre 45 kong armas saka
