INIS NA INILAPAG ni BK ang plato sa maliit niyang mesa at sumilip sa bintana. Hindi niya matanaw si Daphne at Max. Baka nasa kusina. Sana kumain lang. Sana lang! Dahil baka mapaaway siya ng wala sa oras.
Ang totoo niyan, nagugutom pa siya. Tiningnan niya ang pagkain, may tira pa. Mukhang hindi na aabot sa tiyan niya iyon. Panira ng moment ‘tong si Max!
Pabagsak na naupo siya sa upuan na gawa sa kawayan. Bigla itong naglangitngit kaya napangiwi siya sabay sipat. Papapalitan naman niya ito sa mga susunod na araw. Hinihintay lang niya ang pinamili niya. Gawa sa kahoy naman ang ipapalit niya.
Saglit na pumikit siya para pakalmahin ang sarili. Parang gusto niyang magsisi dahil masa marami siyang naisip habang nakapikit.
“Ano na kaya ang ginagawa nila?” hindi niya maiwasang isatinig.
Tumay
